المقادير:
بالنسبه للمقادير أي عجينه تعجبكم ممكن عجينة دونات أو فطاير المهم تكون لينه ومب رخوه جدا حتى نستطيع طويها...وهاذي مقادير العجينه اللي استخدمها طبعا ممكن تعملي المقادير كلها للدونات وممكن تعمل منها حاجات ثانيه مثل كرات السمسم أو فطاير لأنها نفس العجينه
3 كوب طحين
3 م ط سكر
3 م ط حليب بودره
م ص خميره
ملح
3 م ط زيت
كوب وربع ماء
الطريقة:
نعجن المقادير ونتركها حتى يتضاعف حجمها حلو تكون العجينه شوي لينه حتى تكون أكثر ليونه بعد مانقليها
بعد ماتتخمر العجينه بالشكل هذا
م نأخذ شريط من العجينه ونلفه بالشكل هذا بأعواد الشوي الخشبيه بالشكل هذا نبدأ بلفها من الراس المدبب بس لاتشدون العجينه لأنها أحلى لما تلفونها برفق حتى تتنتفخ فالزيت لما تقلونها
وتكون عندنا بالشكل هذا
ونقليها فالزيت المهم يكون ساخن بس لاتطولون على النار حتى ماتحترق لأنها أحلى لما تكون ذهبيه
ذا شكلها بعد ماقليناها قبل مانشيل الأعواد منها
ثم نشيل الأعواد منها ... لاتمطون الأعواد مط لأ لفوها بعكس لفتها شوي وبعدين بيطلع العود بسهوله أهم شي تفتحون راسها شوي وبالباقي يطلع بسهوله ...نبدأ بفتحها من آخر لفه مش من عند الراس <<<اتمنى فهمتوا للشرح صراحه مايستاهل شرح بس ابري الذمه وهذا شكلهن بعد ماطلعنا الأعواد منها
ثم نضعهن فالقطر ونرش جوز الهند
وهنا شديتهم شوي عشان تشوفون كيف تنفتح
وصحه وعافيه للي يجرب واللي مايجرب
الثلاثاء أغسطس 26, 2008 7:48 am
