حاضر بحاضر واللغة والقوانيـن بشروطها ماهيـب تمشـي عليـا
قطف الخزامى والنفل والرياحيـن فيك انت يا مشعل شويـه شويـه
عليك اترجم معجم الروس والصين لين اختـرع لـك قنبلـة نوويـه
أنا حصاة(ن) فررتهـا البراكيـن وأراد ربك ليـن طاحـت هنيـا
إما احتملني يـا مـلاذ المساكيـن وإلا إعتبرها جلسـة(ن) حنبليـه
سلام يا عز الأقاصي و الأدنيـن يابو اليتامى يـا **ـون الونيـه
يا النادر اللي زهلـوك المياميـن على الشـرف وقيـادة الشاذليـه
ملوك الأرض مخزمين المعاديـن يوم إنهـا بالسيـف و العنجهيـه
جوهاعلى ظهورالصفر والبعارين اللـي عليهـم تاقـف الوايلـيـه
عبدالعزيزاللـي يديـر المياديـن في حكمة(ن) وسياسة(ن) عبقريـه
ما راح يدرسهـا بلنـدن وبرليـن ولا درس فـي مدرسـه جامعيـه
درس على شرب الكدر بالفناجيـن و ضرب العلابي بالسيوف القويه
هامات نجد من اول الوقت والحين حنا لهـم و ان ثـارت الطايفيـه
ضرب الفشق بمقبلات المخازيـن وحفظ الظعن والهوش دون البنيـه
لا شيطنوا حنا سعـوط الشياطيـن قد قالها اللـي مـا يخلـي خويـه
لا شرع غير كتاب رب المصلين ولا فيه سنـة غيـر سنـة نبيـه
جيولوجيا الذرة وعلـم الموازيـن والفلسفـه والرطنـه الفارسـيـه
ومولفات بلير و إسحـاق رابيـن وسقـراط و اَدينـوس والراهبيـه
تفنى ويبقـى وجـه رب الثقليـن مدبـر الأرزاق جـزل العطـيـه
والملك للـي يخدمـون الحرميـن عقب الامام اهل الخشوم العصيـه
ملاذنا لا جـا شريـد النهاريـن اللي عجاجـه يدفـن (الفيصليـه)
عطواعطوا لين اغرقوا واسع العين اللـي نكـر وقفاتنـا الأولـيـه
الشام كله مع ضواحـي فلسطيـن إلى العـراق وشاطـي اسكندريـه
إن ما اعترف بالحق واقر فاَميـن تهـوي عليـه النجمـه النيزكيـه
وتاريخنا ماهوب قبـل 4 سنيـن بالديجيتـال وافلامـه المصنعيـه
حنا على روس اللقـا بالنقيضيـن بدروعنـا و سيوفنـا الصيرميـه
وفتح الرياض وما ذكرنا من شوين مـع درب وفيضـة العامـريـه
وتوحيـدهـا فــي عــام 51 مـن اليمـن للدولـه الهاشمـيـه
والملك للـي يخدمـون الحرميـن عقب الامام اهل الخشوم العصيـه
عبدالله وسلطان يا اميـر عينيـن عينين في راس الشرف والحميـه
في ظلهم نقطـف ورود البساتيـن وعلى الطوايل نجـذب السامريـه
الواصليـن الفاصليـن التقيـيـن ساطيـن لكـن عفوهـم مقدريـه
اما انت يامشعل على العقل والدين والهيبه اللـي تقطـع ام المطيـه
حتى الجمال اللي لحاهن ذراعيـن من صفي حجانك تقـرب سويـه
اعرفك زين و كل عرفي لك الزين انك بتـرت الناقصـه و الرديـه